الكيكة الاسفنجية

--------------------------------------------------------------------------------

الكيكة الاسفنجية
المقادير :

6 بيضات
1كوب سكر
ملعقة شاي فانيليا
1 كوب طحين
6 ملاعق كبيرة زيت
1 ملعقة شاي بيكنج باودر

الطريقه:

تخلطين البيض لين ما يصير رغوة بعدين تحطين السكر وتخلطين لين مايصير مثل الكريمة
وتحطين الفانيليا وتخلطين لين ما يرتفع عندك
وتحطين البيكنج باودر والطحين
بعدين الزيت
وتصبينه بالصينية لمده 45 دقيقة ولا تفتحين الفرن حتى ما تخرب!
للتاكد ان الكيكه اصبحت ناضجة اضغطي بطرف اصبعك على الكيكة اذا اصبح مكانه علامة يعني بعده ما خلصت واذا لاحظت زوالها كانها اسفنجة يعني خلصت ...تخلينها تبرد شوي
وتطلعينها و تقطعيها نصفين بالعرض
تجيبي صحن عميق وايس كريم العلبه (( يكون فيه عدة نكهات))
تجيبي الجزء الاول وتحطينه بالصحن العميق وتحشينها ايس كريم! وبعدين جيبي الجزء الثاني وتسكرينها وتضغطين عليها شوي وتدخلينها بالفريزر
وبعدين! تطلعينها وتزينيها على ذوقك
ممكن هالكريمة:
زلال 4 بيضات تخفقينها لين ما تصير مثل الكريمة تحطين 4 ملاعق سكر بوردة وتخفقينه وتحطينه شوي بالثلاجة وبعدين تغطينها
وبعد ما تغطينها تحطين سكر بورده فوقها
وتدخلينها الفرن من الاعلى شوي عشان السكر يكسب اللون الاشقر..